Limuzinat e blinduara të Kim, fusin në probleme kompaninë gjermane

Prodhuesi gjerman i makinave Daimler, i cili bën limuzina të blinduara që përdoren dhe nga udhëheqësi i Koresë së Veriut, Kim Jong Un, tha se nuk ka asnjë ide se nga i ka marrë ato udhëheqësi koreanoverior dhe se nuk ka marrëdhënie biznesi me Veriun.

Kim ka tërhequr mjaft vëmendje për limuzinat Daimler që përdor në takimet e nivelit të lartë, siç ishte edhe takimi i kësaj jave me Presidentin rus Vladimir Putin.

Shitja e mallrave luksoze Koresë së Veriut, duke përfshirë limuzinat, është e ndaluar në bazë të sanksioneve të OKB-së.

Kim megjithatë u prit nga dy limuzina në stacionin e trenit në Vladivostok – një Mercedes Maybach S600 Pullman Gardës dhe një Mercedes Maybach S62.

SHPËRNDAJE