Kryeministri italian do të vizitojë Turqinë të hënën

Kryeministri i Italisë Giuseppe Conte të hënën do të udhëtojë për një vizitë pune në Turqi me ftesë të presidentit Recep Tayyip Erdoğan, transmeton Anadolu Agency (AA).

Në një deklaratë, Zyra e Komunikimeve e Presidencës së Turqisë tha se të dy udhëheqësit do të diskutojnë marrëdhëniet dypalëshe dhe hapat që mund të merren për të përmirësuar bashkëpunimin midis dy vendeve.

Në takime, dyshja pritet të shkëmbejë mendime mbi zhvillimet aktuale, rajonale dhe ndërkombëtare, veçanërisht për Libinë.

Kjo do të jetë vizita e parë e Conte-s në Turqi pasi ai mori detyrën në vitin 2018.