Kryeministri britanik, Boris Xhonson, u fotografua me këmbën e ngritur mbi tryezë gjatë një takimi me presidentin francez, Emanuel Makron, në Pallatin Elize të Francës.
Ky ishte një takim i rëndësishëm, për shkak se do të diskutohej edhe dalja e Britanisë nga BE-ja.
Komentuesit në rrjete shoqërore e quajtën Xhonsonin të pasjellshëm dhe veprimin e tij “një turp për të gjithë vendin”.
Megjithatë, një video e shfaqur pak më vonë tregoi se dy udhëheqësit ishin në fakt duke bërë shaka me njëri-tjetrin në atë çast.
Sipas gazetarit Tom Rayner, Makron i ka thënë Xhonsonit me shaka që tryeza mund të shërbejë edhe si stol, nëse kryeministri dëshiron të mbështetet. Dhe Xhonsoni mbështetet me shaka./tch
