KQZ: Të gjitha vendvotimet në veri janë hapur me kohë, s’raportohet për parregullësi

Komisioni Qendror i Zgjedhjeve mbajti konferencën e parë lidhur me zgjedhjet e jashtëzakonshme për kryetar në katër komuna: Leposaviq, Zubin Potok, Zveçan dhe Mitrovicë e Veriut.

KQZ njofton se të gjitha vendvotimet (87), ku do të mbahen këto zgjedhje, janë hapur në kohën e paraparë, në orën 07:00. Duke u mbështetur në të dhënat nga tereni procesi i votimit po zhvillohet në rregull.

Komisioni Qendror i Zgjedhjeve fton të gjithë qytetarët me të drejtë vote nga këto komuna që të shfrytëzojnë të drejtën e tyre kushtetuese për të votuar.

Numri i përgjithshëm i votuesve në këto katër komuna është: 57 mijë e 983 votues, apo 970 votues më shumë në krahasim me zgjedhjet lokale të 22 tetorit 2017. Ndërkaq, numri i qendrave të votimit në këto katër komuna është 44 me gjithsej 87 vendvotime.

   Komunat Numri i votuesve 2019 Numri i qendrave të votimit Numri i vendvotimeve
   LEPOSAVIQ 18 164 18 31
   ZUBIN POTOK 8 535 12 16
   ZVEÇAN 9 229 7 13
   MITROVICË E VERIUT 22 055 7 27
  57 983 44 87

Në orën 11:30 mbahet konferenca e dytë e KQZ-së lidhur me pjesëmarrjen në votime deri në orën 11:00 si dhe për ecurinë e procesit zgjedhor.

SHPËRNDAJE