Emiri i Katarit, Sheiku Temim bin Hamed Al Thani, ka dhënë udhëzim për dhurimin e 50 milionë dollarëve në mbështetje të refugjatëve sirianë në vende të ndryshme, transmeton Anadolu Agency (AA).
Në lajmin e agjencisë së lajmeve të Katarit QNA, thuhet se donacioni do të shpërndahet nga në formën e paketës së ndihmës së shpejtë dhe nëpërmjet fondit të zhvillimit të Katarit për programe të zhvillimit për refugjatët sirianë në Turqi, Liban dhe Jordani si dhe për personat e zhvendosur nga vendet e tyre në Siri.
Në lajm thuhet se 20 milionë dollarë do të dhurohen për të zhvendosurit nga brenda Sirisë, dhe nga 10 milionë dollarë për programet e mbështetjes së refugjatëve në Jordani, Turqi dhe Liban.Ndërkohë është njoftuar se 1.5 milionë nga pjesa e 10 milionë dollarëve që është ndarë për Libanin, do të jepen për të mbështetur fushatën “ndihmoni Arsal-in” të cilën e ka nisur institucioni për bamirësi i Katarit.
Institucioni për bamirësi i Katarit më 12 janar kishte iniciuar fushatën e ndihmës emergjente për refugjatët sirianë që qëndrojnë nëpër çadra në kushtet e vështira të dimrit në zonën Arsal në rajonin Beka të Libanit.
