Ish-deputetja e PDK-së intervistohet sot nga Gjykata Speciale

Ish-deputetja e PDK-së, Safete Hadërgjonaj, sot pritet të intervistohet nga Gjykata Speciale në cilësinë e dëshmitares.

Siç ka konfirmuar Hadërgjonaj, ajo do të intervistohet për periudhën 1 janar 1998 deri më 31 dhjetor të vitit 2001.

Hadërgjonaj ka deklaruar se gjatë periudhës së luftës nuk ka pasur funksion të rëndësishëm, por se ka dhënë kontributin e saj në shumë procese të asaj periudhe.