Disa aktivistëve të Vetëvendosjes iu është vazhduar paraburgimi dje nga Gjykata Themelore në Prishtinë për disa urdhër arreste nga aksione të mëhershme të ndërmarra.
Deputetja e VV-së, Albulena Haxhiu, ka njoftuar se njëri ndër ta është i sëmurë dhe për këtë arsye, mjeku i ka caktuar ushqim të veçantë. Por, sipas saj, burgu nuk po ia ofron ushqimin e caktuar atij.
“Sipas informacioneve që i kemi, njërit nga ta, Hajredin Krasniqit, për shkak të disa problemeve shëndetësore, mjeku i ka caktuar ushqim tjetër. Edhe përkundër kësaj, të njëjtit, ende nuk i është siguruar ushqimi i caktuar nga mjeku”, ka bërë të ditur Haxhiu.
“Ne thërrasim drejtorin e burgut të Pejës të mos lejojë shkelje të tilla dhe të respektojë legjislacionin në fuqi. Neni 39 paragrafi 2 i Ligjit për ekzekutimin e sanksioneve penale thotë: 2. Personi i dënuar i cili kryen punë të rënda, personi i sëmurë̈, gruaja shtatzënë, ose ajo e cila ka lindur fëmijë̈ kanë të drejtë në ushqim të caktuar nga mjeku. Po ashtu thërrasim institucionin e Avokatit të Popullit dhe organizatat që monitorojnë burgjet, të kërkojnë ndaljen e këtyre shkeljeve”, ka shkruar ajo.
