Kryeministri i Kosovës, Ramush Haradinaj, pas mbledhjes së qeverisë, ka folur edhe për korrigjimin kufijve.
Haradinaj ka përmendur termin “Zajednicë”, duke folur për idenë e korrigjimit të kufijve.
Ai ka ripërsëritur deklaratat e tij se një ide e tillë ka vdekur, dhe se nuk ka kthim prapa.
Haradinaj ka thënë se Serbia i ka shfrytëzuar instrumentet e veta për ta bërë të duket se edhe njohja në shkëmbim të territoreve do të ishte pozitive, raporton lajmi.net.
Haradinaj ka thënë se ka ende punë për liberalizimin e vizave.
Ai ka shtuar se Kosova ka krijuar disa kontakte me Qeveritë e vendeve të BE-së për futjen në agjendë të kësaj çështjeje.Ai ka thënë se kjo çështje është politizuar, mirëpo sipas tij, në prag të vendimit dramatizohen gjërat.
