Gucati fton veteranët e UÇK-së të bashkëpunojnë me Gjykatën Speciale për hir të shtetit

Kryetari i Organizatës së Veteranëve të Luftës së UÇK-së, Hysni Gucati, ka ftuar veteranët e Ushtrisë Çlirimtare të Kosovës që të bashkëpunojnë me drejtësinë. Në një intervistë dhënë për gazetën “Epoka e re”, ai ka thënë se Gjykata Speciale është raciste, por për të mirën e shtetit duhet të bashkëpunohet me këtë institucion. Megjithatë, Gucati nuk e ka përjashtuar mundësinë e organizimit të protestave për ta kundërshtuar këtë gjykatë. “Por, për momentin, rruga dhe protesta nuk na konvenojnë. Mirëpo çdokush duhet ta dijë se edhe durimi i veteranëve të UÇK-së e ka një fund”, ka thënë Gucati. Ai ka treguar se OVLUÇK-ja është e informuar nga Ministria e Drejtësisë për gjithë procesin.
SHPËRNDAJE