Duke marrë parasysh faktin se pjesa qendrore dhe perëndimore e Evropës është kapluar nga vala e nxehtë, në një rajon gjerman është imponuar kufizimi i përkohshëm i shpejtësisë në disa pjesë të autostradës, transmeton Anadolu Agency (AA).
Autoritetet paralajmëruan se temperaturat gjatë ditëve në vazhdim në disa pjesë të Evropës mund të arrijnë deri në 40 gradë celsius.
Prandaj, Ministria e Transportit e krahinës federale gjermane të Saksonisë-Anhalt njoftoi të mërkurën se kufizim i shpejtësisë prej 100 deri në 120 kilometra në orë u imponua në disa pjesë më të shkurtra të autostradës, të cilat përndryshe nuk kanë kufizime.
