Kur kanë kaluar 6 muaj nga koha kur pësoi një infarkt kardiak, portieri spanjoll Iker Casillas është rikthyer në stërvitje me Porton, ndonëse e ka bërë këtë për vetëm 25 minuta.
Sipas raportimeve të të përditshmes spanjolle “AS”, ish kampioni i botës dhe Europës me Spanjën është stërvitur sot nën kujdesin e përgatitësve atletikë të skuadrës portugeze, shkruan supersport.al.
Gardiani 38-vjeçar luan me Porton që prej verës së vitit 2015 dhe nuk ka ndërmend të ndalet as pas këtyre problemeve kardiake, por para se të kthehet në fushë, duhet të marrë miratimin e mjekëve të skuadrës portugeze.
