Feronikeli 90 minuta larg historisë

Luhen këtë të martë 6 nga 16 takimet e kthimit të raundit të parë kualifikues të Champions League, ku protagoniste në fushë do të jenë edhe dy skuadra shqiptare, Feronikeli, kampion i Kosovës, dhe Shkëndija e Tetovës, kampione e Maqedonisë së Veriut.

Nëse për kuqezinjtë tetovarë kualifikimi në raundit tjetër është detyrim, pasi në sfidën e parë në Estoni me Nomme Kalju, kanë fituar 0-1, për Feronikelin është një moment historik, sepse në pjesëmarrjen e parë në Champions League ka shanse shumë të mira për t’u kualifikuar në raundit e dytë, çka do t’i siguronte përfitime të konsiderueshme financiare.

Ndeshja Shkëndija-Nomme Kalju zhvillohet në stadiumin “Todor Proeski” në Shkup, në orën 17:00, ndërsa ekipi nga Drenasi do të presë uellsianët e TNS në orën 20:45 në “Fadil Vokrri” të Prishtinës. Ndeshja e parë u mbyll barazim 2-2n një rezultat shumë i mirë për Feronikelin, duke ditur se paka para se të përfundonte sfida ishte në disavantazh 2-0.

Skuadrës që drejtohet nga Zekirija Ramadani i mjafton barazimi 0-0 ose 1-1 për t’u kualifikuar, kështu që më shumë se loja bukur, sikurse shprehet dhe trajneri:

“Nuk do të kërkojë fitoren e as nuk do të mundohemi të luajmë lojë të bukur dhe pastaj të eliminohemi. TNS-ja, nuk ka çfarë të humbë, kurse ne kemi të dy rezultatet në favorin tonë. Neve na intereson vetëm kualifikimi në raundin e dytë Nikli duhet të jetë shumë i kujdesshëm për të mos pësuar gol.”

Në rast se arrin të kualifikohet në raundin e dytë të Championsit, skuadra kampione e Kosovës do të përballet me Copenhagen të Danimarkës.