Anton Martini dhe Besim Hajdarmataj janë dy prokurorët që kanë marrë në dorë dosjen e Shkozetit, ku ditën e djeshme u realizua atentati ndaj makinës me të cilën udhëtonte prokurori Arjan Ndoja dhe Landi Muharremi, i njohur si “i forti i Sukthit”.
Burime të besueshme pranë Prokurorisë së Krimeve të Rënda, pohojnë për gazetaren e Top Channel, Anila Hoxha, se procedimin penal për këtë ngjarje është regjistruar me akuzat: “vrasje për shkak të cilësive të veçanta, e mbetur në tentativë” dhe “grup i strukturuar kriminal”.
Si pasojë e plumbave, mbetën të plagosur Andi Maloku, shofer i makinës, dhe dy pasagjerët Arjan Ndoja dhe Landi Muharremi.
