Policia e Kosovës, njofton se rreth orës 17:30, në rrugën e Llapit në Obiliq, ka ndodhur një incident me ç’rast janë arrestuar dy persona ku në veturën e tyre edhe është gjetur drogë.
Zëdhënësi i Policisë së Kosovës, Daut Hoxha, ka thënë për Koha.net se ka qenë një veturë e dyshuar me targa vendore, e cila nuk i është ndaluar njësisë policore gjatë realizimit të një kontrolle në automjete.
Hoxha thotë se shoferi në këtë veturë, i ka ikur policisë dhe me këtë rast, dyshohet se ka dalë nga rruga ku edhe është vetëaksidentuar.
“Policia ka arrestuar dy persona, ku pastaj në automjetin e tyre është gjetur një sasi e narkotikëve. Personat e dyshuar janë arrestuar, janë sjellë në stacion policor, ndërsa njësitet policore duke përfshirë edhe ato të antidrogës janë në proces të trajtimit të rastit”, ka thënë Hoxha.
