Ministri i Jashtëm serb Ivica Daçiq ka deklaruar se tërheqja e njohjes së Kosovës është projekt shtetëror.
Ministri i Jashtëm serb Ivica Daçiq ka mohuar sugjerimet se Serbia ka qenë e paguar nga individë privatë për fushatën për tërheqje të njohjeve të pavarësisë së Kosovës.
Daçiq bëri deklaratat në emisionin “Happy Tv” me rastin e deklaratës së nënkryetares së Partisë së Lirisë dhe Drejtësisë, Marinika Tepiq e cila tha se Serbia po e financon këtë fushatë me para nga tregtia e armëve, transmeton lajmi.net.
“Ky është një projekt shtetëror dhe gjithçka bëhet përmes institucioneve,” tha kryediplomati serb.
“Qëllimi i deklaratës së Tepiqit është të kompromentojë procesin që po punon Serbia, që është tërheqja e njohjes së pavarësisë së Kosovës”, shtoi ai.
Daçiq po ashtu i doli në mbrojtje presidentit të Serbisë, Aleksandar Vuçiq duke thënë se i kupton ata që i urrejnë, por theksoi se nuk mund t’i kuptojë ata që e urrejnë aq shumë Serbinë.
