Bolivianja 118-vjeçare mund të jetë njeriu më i moshuar në botë

Julia Flores Colque, bolivianja e cila së shpejti do të mbushë 118 vite, supozohet të jetë njeriu më i vjetër në botë, transmeton Anadolu Agency (AA).

Siç theksohet, Flores Colque, e cila jeton në rajonin e Sacaba-s, mund të jetë njeriu më i vjetër në botë pas vdekjes së japonezes së lindur më 4 gusht të vitit 1900, Nabi Tajima, në prill të këtij viti.

Në letërnjoftimin e Colque-s shkruan se ajo ka lindur më 26 tetor të vitit 1900. Përkundër moshës së shtyrë, ajo vazhdon t’i bie kitarës dhe këndon këngë në gjuhën Keçuva për personat që vijnë ta vizitojnë.

Bashkia e Sacaba-s e ka cilësuar Flores Colque-n si “trashëgimi e gjallë”.

Ndërkohë, Libri i Rekordeve Guinnes ka deklaruar se nuk është bërë asnjë aplikim në emër të bolivianes së moshuar.

Colque nuk është martuar asnjëherë dhe nuk ka fëmijë. Gjatë jetës së saj, ajo ka dëshumar dy lufërat botërore dhe revolucionet në Bolivi.