Barcelona kualifikohet në fazën 1/8 në Kupën e Mbretit

Barcelona është kualifikuar në fazën 1/8 në Kupën e Mbretit falë një përmbysje në pjesën e dytë.

Katalanasit ishin në disavantazh deri në minutën e 72’ ndaj skuadrës e cila luan në kategorinë e tretë spanjolle, Ibiza.

Për vendasit shënoi Caballe (9’) teksa në 45 minutëshin e parë, mysafirët ishin të ‘vdekur’ në fushë pa asnjë lloj rast.

Gjithsesi, skuadra e Quique Setien gjeti golin e barazimit përmes Antoine Griezmann (72’). I njëjti lojtar shënoi edhe një minutë pa mbaruar sfida, duke i siguruar skuadrës së tij kualifikimit tutje.