Ministri turk i Mbrojtjes Hulusi Akar tha se avionët luftarakë F-35 nga Shtetet e Bashkuara të Amerikës (SHBA) do t’i dorëzohen Turqisë në muajin nëntor, raporton Anadolu Agency (AA).
“Pavarësisht nga disa deklarata, procesi i sigurimit të avionëve F-35 është duke shkuar mirë. Pilotët dhe ekipi ynë i mirëmbajtjes vazhdojnë trajnimet në SHBA”, tha Akar para gazetarëve në Ankara.
“Ne presim dërgimin e F-35 në nëntor në provincën Malatya. Përgatitjet infrastrukturore në Malatya kanë përfunduar”, shtoi Akar.
Ankaraja planifikon të blejë 100 avionë luftarakë F-35 përmes një miratimi në pritje të Kongresit të SHBA-së dhe pilotët e saj aktualisht janë duke u trajnuar në platformën e armëve në bazën ajrore Luke në Arizona.
Firmat turke gjithashtu furnizojnë programin F-35 me komponentët kryesorë, duke përfshirë struktura dhe montimin e korpusit, si dhe qendrën e trupit të avionit.
