Anija e shpëtimit merr emrin e Alan Kurdit, vogëlushit sirian i cili vdiq në det (Foto)

Një anije e shpëtimit që operon në Mesdhe ka marrë emrin e Alan Kurdit, pasi fëmija sirian i cili vdiq duke u përpjekur për të arritur në Evropë në vitin 2015.

Pamjet e trupit të trevjeçarit të shtrirë në një plazh turk shkaktuan zemërim të madh global.

Por, siç shkruan AlJazeera, përcjell Telegrafi, kjo ishte tre vjet më parë dhe “zemrat evropiane – dhe portet – që nga ajo kohë janë mbyllur për të dyja, refugjatët dhe anijet e shpëtimit”.

Ceremonia e emërimit të anijes ka ndodhur në ishullin spanjoll të Majorkës.

Alan u mbyt në shtator të vitit 2015 së bashku me vëllanë e tij Ghalib, nënën Rehanna, dhe tetë njerëz të tjerë që po përpiqeshin të arrijnë në Evropë duke kaluar Egjeun.

Halla e Alan, Tima Kurdi, kishte paguar për kalimin e tyre në Evropë. Ajo shpresonte ta çonte familjen në Kanada.

Një xhandar turk e merr trupin e refugjatit sirian Alan Kurdi nga një plazh në Turqi.

Ndërsa, sipas mediave, përcjell Telegrafi, Abdullah Kurdi, babai i djemve, mori pjesë në ceremoninë e së dielës së bashku me Tima Kurdin. Ai tha para ceremonisë se ishte i lumtur që anija do të emërohej për djalin e tij të vdekur.

Rreth dy milionë refugjatë nga Siria dhe vende të tjera në Afrikë dhe Lindjen e Mesme kanë kaluar në Evropë nga deti që nga viti 2015.

Abdullah Kurdi dhe motra e tij Tima, përpara anijes tanimë së cilës i është vënë emri Alan Kurdi në Palma de Mallorca

Ndërsa siç thuhet tutje, më shumë se 17,000 azilkërkues kanë vdekur ose janë zhdukur duke u përpjekur të arrijnë në Evropë që nga viti 2014, sipas UNHCR-së. Më shumë se 200 njerëz kanë vdekur ose janë zhdukur deri më tani në vitin 2019. /Telegrafi/