Ambasada e Kosovës ofron numrat emergjent pas sulmit terrorist në Zelandë të Re

Ambasada e Republikës së Kosovës në Kanberra njofton të gjithë shtetasit e Republikës së Kosovës në Zelandën e Re se ka vënë në dispozicion numrat emergjentë për çdo shtetas që mund të ketë nevojë për asistencë konsullore me rastin e sulmit terrorist në Christchurch të Zelandës së Re.

Ambasada e Republikës së Kosovës sugjeron të ndiqen këshillat e Policisë së Zelandës së Re dhe autoriteteve tjera lokale deri në tejkalim të situatës në zhvillim.

Kontaktet emergjente janë këto: +61 (02) 261130366 , +61403517113.

Nga sulmi i sotëm në Zelandë të Re mbetën të vdekur 49 persona derisa dhjetëra janë lënduar.