Policia e Kosovës, Dogana dhe Administrata Tatimore e Kosovës, kanë nisur një operacion të gjerë në mëngjes për të kontrolluar qindra lokale të lojërave të fatit anë e mbarë vendit.
Burimet e Indeksonline brenda këtyre institucioneve kanë thënë se aksioni ka nisur në orën 10:00 dhe cak do të jenë lokalet e lojërave të fatit në të gjitha komunat e vendit.
Deri tani janë kontrolluar dhjetëra të tilla dhe se aksioni po vazhdon edhe në këtë kohë.
Ndërkohë Kuvendi i Kosovës në këto momente po zhvillon seancë të jashtëzakonshme pikërisht për lojërat e fatit.
Deputetët nga opozita kanë përgatitur rezolutë për mbylljen e tyre.
