Gjatë një sulmi të armatosur mbi një automjet të organizatës humanitare japoneze të kryer në Nangarhar, në lindje të Afganistanit, kanë humbur jetën pesë persona, raporton Anadolu Agency (AA).
Zëdhënësi i zyrës së guvernatorit të Nangarharit, Ataullah Khogyani, tha se persona të panjohur kryen sulm mbi automjetin e pjesëtarëve të organizatës “Peace Medical Service (PMS)”.
Gjatë sulmit humbën jetën pesë punonjës të organizatës, ndërsa është plagosur kreu i PMS-së, mjeku Tetsu Nakamura.
Khogyani tha se sulmuesit u arratisën dhe se pjesëtarët e forcave të sigurisë i kërkojnë ata.
Ende askush nuk e ka marrë përgjegjësinë për sulmin.
Organizata “Peace Medical Service (PMS)” në Nangarhar vepron nga viti 2008.
